Meda Ishq Vi Toon Meda Yaar Vi Toon Meda Deen Vi Toon Eeman Vi Toon
میڈا عشق وی توں, میڈا یار وی توں میڈا دین وی توں, میڈا ایمان وی توں میڈا جسم وی توں، میڈا روح وی توں میڈا قلب وی توں،جند جان وی توں میڈا کعبہ، قبلہ ،مسجد، ممبر مُصحف تے قرآن وی توں میڈے فرض، فریضے، حج، زکوٰتاں صوم صلٰواۃ، اذان وی توں میڈی زہد ، عبادت، طاعت،تقوٰی علم وی تُوں،عرفان وی توں میڈا ذکر وی توں ،میڈا فکر وی توں میڈا ذوق وی توں، وجدان وی توں میڈا سانول ،مٹھڑا، شام ،سلوُنا من موہن ،جانان وی توں میڈا مرشد،ہادی، پیر طریقت شیخِ حقائق دان وی توں میڈی آس امید ،تے کھٹیا، وٹیا تکیہ ،مان، تران وی توں میڈا دھرم وی توں، میڈا بھرم وی توں میڈی شرم وی توں، مینڈی شان وی توں میڈا ڈُکھ ،سُکھ، روون، کِھلن وی توں میڈا درد وی توں ،درمان وی توں میڈےخوشیاں دا اسباب وی توں میڈے سُولاں دا سامان وی توں میڈا حُسن تے بھاگ ،سُہاگ وی توں میڈا بخت تے نام نِشان وی توں میڈا دیکھن، بھالن، جاچن ،جوچن سمجھن ،جان ،سنجان وی توں میڈے ٹھڈرےساہ تے مونجھ مو نجھاری ہنجھوں دے طوفان وی توں میڈے تلک ،تلولے ،سیندھاں ،مانگاں ناز، نہوڑے تان وی توں میڈی مہندی ،کجل ،مُساگ وی توں میڈی سُرخی ،بیڑا، پان وی توں میڈی وحشت، جوش جنون وی توں میڈا گِریہ، آہ ، فغان وی توں میڈا اول ،آخر ،اندر ،باہر ظاہر تے پنہان وی توں میڈا بادل ،برکھا ، کِھمنا ں، گاجاں بارش تے باران وی توں میڈا ملک، ملیر تے مارو ،تھلڑا روہی، چولستان وی توں جے یار فرید قبول کرے سرکار وی توں ،سلطان وی توں نہ تاں کہتر ،کمتر،ا حقر ،ادنیٰ لاشئے، لا امکان وی توں
Meda Ishq Vi Toon Meda Yaar Vi Toon Meda Deen Vi Toon Meda Eeman Vi Toon Meda jism vi toon Meda rooh vi toon Meda qalb vi toon jind jaan vi toon Meda kaba qibla masjid mimbar Mushaf te Quran vi toon Mede farz fareezay, Hajj, Zakataan Soum salaat azaan vi toon Meri zohd ibadat ta’at taqwa Ilm vi toon irfan vi toon Mera zikr vi toon meda fikr vi toon Mera zouq vi toon wajdan vi toon Meda sanwal mithra shaam saloona Mun mohan janaan vi toon Meda murshid haadi peer tareeqat Shaikh haqaa’iq daan vi toon Meda aas ummed te khattaya wattaya Takia maan taran vi toon Mera dharam vi toon meda bharam vi toon Meda sharam vi toon meda shaan vi toon Meda dukh sukh ro’wan khilan vi toon Meda dard vi toon darmaan vi toon Mda khushiyan da asbaab vi toon Mede soolaan da samaan vi toon Mera husn te bhaag suhaag vi toon Meda bakht te naam nishaan vi toon Meda dekhan bhalan jachan jochan Samjhan jaan sunjaan vi toon Mede thadray saah te monjh munjhari Hanjoon de tofaan vi toon Mede tilk tilo’ay seendhaan mangaan Naaz nihoray taan vi toon Medi mehdni kajal misaag vi toon Medi surkhi beera paan vi toon Medi wehshat josh junoon vi toon Meda garya aa’h o faghan vi toon Meda awwal aakhir andar bahir Zahir te pinhaan vi toon tooon Meda badal barkha khimnaan gajaan Barish te baraan vi toon Meda mulk malir te maro thalra Rohi cholistaan vi toon Je yaar farid qabool karay Sarkaar vi toon sultaan vi toon Na taan kehtar kamtar ahqar adna La-shay la-imkaan vi toon
