https://azkalam.com

Tag: Punjabi Kafi

  • Ishq Di Navio Navi Bahar

    Ishq Di Navio Navi Bahar

    عشق دی نوّیوں نوّیں بہار

    جاں میں سبق عشق دا پڑھیا
    مسجد کولوں جیوڑا ڈریا
    ڈیرے جا ٹھاکر دے وڑیا
    جتھے وجدے ناد ہَزار

    عشق دی نوّیوں نوّیں بہار

    جاں میں رَمز عشق دی پائی
    مَینا طوطا مار گوائی
    اندر باہر ہوئی صفائی
    جِت وَل ویکھاں یارو یار

    عشق دی نوّیوں نوّیں بہار

    ہیر رانجھے دے ہو گئے میلے
    بھُلّی مہر ڈھوڈیندی بیلے
    رانجھا یار بُکّل وِچ کھیلے
    مینوں سدھ رہی نہ سار

    عشق دی نوّیوں نوّیں بہار

    وید قرآناں پڑھ پڑھ تھکے
    سجدے کردیاں گھس گئے متھے
    نہ رب تیرتھ نہ رب مکّے
    جس پایا تس نور اَنوار

    عشق دی نوّیوں نوّیں بہار

    پُھوک مصلّٰی بھن سٹ لوٹا
    نہ پھڑ تسبیح عاصا سوٹا
    عاشق کیہندے دے دے ہوکا
    ترک حلالوں کھا مردار

    عشق دی نوّیوں نوّیں بہار

    عمر گوائی وچ مسیتی
    اندر بھریا نال پلیتی
    کدے نماز توحید نہ نیتی
    ہن کی کرنائیں شور پُکار

    عشق دی نوّیوں نوّیں بہار

    عشق بُھلایا سجدہ تیرا
    ہن کیوں اینویں پاویں جھیڑا
    بلھا ہوندا چپ بتیرا
    عشق کریندا مارو مار

    عشق دی نوّیوں نوّیں بہار

    Bulleh Shah
    بلھے شاہ

  • ilmon Bas Kareen o Yaar Eko Alaf tere Darkar

    ilmon Bas Kareen o Yaar Eko Alaf tere Darkar

    علموں بس کریں او یار
    اِکّو اَلف تیرے دَرکار

    علم نہ آوے وچ شمار
    اِکّو اَلف تیرے دَرکار
    جاندی عمر نہیں اَتبار
    علموں بس کریں او یار

    پڑھ پڑھ لکھ لکھ لاویں ڈھیر
    ڈھیر کتاباں چار چُفیر
    گردے چانن وچ اَنھیر
    پچھو راہ ؟ تے خبر نہ سار

    علموں بس کریں او یار

    پڑھ پڑھ شیخ مشایخ ہویا
    بھر بھر پیٹ نِیندر بھر سویا
    جاندی وار نین بھر رویا
    ڈبا وچ اُرار نہ پار

    علموں بس کریں او یار

    پڑھ پڑھ شیخ مشایخ کہاویں
    الٹے مسئلے گھروں بناویں
    بے علماں نوں لٹ لٹ کھاویں
    چھوٹھے سچے کریں اِقرار

    علموں بس کریں او یار

    پڑھ پڑھ نفل نماز گزاریں
    اُچیاں بانگاں چانگاں ماریں
    منبر تے چڑھ واعظ پکاریں
    کیتا تینوں علم خوار

    علموں بس کریں او یار

    پڑھ پڑھ مُلاں ہوئے قاضی
    اللہ علماں باجھوں راضی
    ہووے حرص دنوں دن تازی
    تینوں کیتا حرص خوار

    علموں بس کریں او یار

    پڑھ پڑھ مسئلے روز سناویں
    کھانا شک شبہے دا کھاویں
    دسے ہور تے ہور کماویں
    اندر کھوٹ ، باہر سچیار

    علموں بس کریں او یار

    پڑھ پڑھ علم نجوم وَچارے
    گندا راساں بُرج ستارے
    پڑھے عزیمتاں منتر چھاڑے
    اَبجد گنے تعویذ شمار

    علموں بس کریں او یار

    علموں پئے قضّئے ہور
    اَکھیں والے انھّے کور
    پھڑے سادھ تے چھڈے چور
    دوہیں جہانیں ہویا خوار

    علموں بس کریں او یار

    علموں پئےہزاراں پھستے
    تمبا چُک چُک منڈی جاویں
    دھیلا لَے کے چُھری چَلاویں
    نال قصَائیاں بوہتا پیار

    علموں بس کریں او یار

    بوہتا علم عزازیل نے پڑھیا
    جُھگا جھاہا اوس دا سَڑیا
    گل وچ طوق لعنت دا پَڑیا
    آخر گیا اوہ بازی ہار

    علموں بس کریں او یار

    جد میں سبق عشق دا پڑھیا
    دریا ویکھ وَحدت دا وڑیا
    گھمن گھیراں دے وچ اَڑیا
    شاہ عنائت لایا پار

    علموں بس کریں او یار

    بلّھا رافضی نہ ہے سنی
    عالم فاضل نہ عامل جُنّی
    اِکو پڑھیا علم لدّنی
    واحد اَلف میم دَرکار

    علموں بس کریں او یار

    Bulleh Shah
    بلھے شاہ

  • Buriyan Buriyan Buriyan Way Aseen Buriyaan Way Loka

    Buriyan Buriyan Buriyan Way Aseen Buriyaan Way Loka

    بُریاں،بُریاں،بُریاں وے، اَسیں بُریاں وے لوکا
    بُریاں کول نہ بَہو وے
    تِیراں تے تلواراں کُولوں ،تِکھیاں برہوں دیاں چُھریاں وے لوکا
    لَد سجن پردیس سدھائے،اَسیں ودیاع کرکے مڑیاں وے لوکا
    چے تُوں تخت ہزارے دا سائیں، اسیں سیالاں دیاں کُڑیاں وے لوکا
    سانجھ پات کاہوں سَوں ناہیں،سَاجن کھوجن اَسِیں !ٹَریاں وے لوکا
    جنہاں سائیں دا ناؤں نہ لِتّا، اوڑک نوں اوہ جُھریاں وے لوکا
    اَساں اَوگن ہاریاں جیہے،کہے حسین فقیر سائیں دا
    صاحب سیوں اَسیں جُڑیاں وے لوکا

    ہم بُرے ہیں بُرے ہیں ،ہم بُرے ہیں اے لوگو
    بُروں کے پاس نہ بیٹھو اے لوگو
    تیروں اور تلواروں سے بڑھ کر تیز تر عشق و جدائی کی چھریاں ہیں
    محبوب ہمارا پردیس چلا گیا ہے،ہم لاچار الوداع کر کے لوٹ آئے ہیں
    اگر تو تخت ہزارے کا سائیں ہے تو ہم سیالوں کی باسی ہیں
    صبح شام کی ہم کو خبر نہیں ہم تو محبوب کی تلاش میں دن رات سرگرداں ہیں
    جنہوں نے مالک کا نام نہ لیا وہ بالاخر پچھتائیں گے
    ہم جیسے گنہگاروں کے لئے حسین رب کا فقیر کہتا ہے
    ہمارا تعلق تو مالک حقیقی سے چڑا ہوا ہے

    شاہ حسین
    Shah Hussain

  • Aashiq Hovain Taan Ishq KamaVain

    Aashiq Hovain Taan Ishq KamaVain

    عاشق ہوویں تاں عشق کماویں
    راہ عشق سوئی دا ٹکا،دھاگہ ہویں تاں ہی جاویں
    باہر پاک اندر آلودہ، کیہا توں شیخ کہاویں
    کہے حسین جے فارغ تھیویں،تاں خاص مراتبہ پاویں

    عاشق بننا ہے تو عشق حقیقی اختیار کر
    عشق کا راستہ سوئی کے سوراخ کی مانند ہے ، دھاگے کی طرح ہو جا نفس کو مار کرپھر ہی گزرے گا
    ظاہر پاک صاف ہے مگر اندر گندگی ہے تو خود کو شیخ کہلانا پسند کرتا ہے
    حسین کہتا ہے کہ دنیاوی خواہشات سے فراغت حاصل کر جب ہی تو خاص مرتبہ پا سکے گا

    شاہ حسین
    Shah Hussain

  • Sajan De Hath Banh Asadi Kyun Kar Aakhan Chad Ve Arya

    Sajan De Hath Banh Asadi Kyun Kar Aakhan Chad Ve Arya

    سجن دے ہتھ بانہہ اَساڈی ، کیونکر آکھاں چھڈ وے اَڑیا
    رات اندھیری بَدّل کنیاں ، ڈَاڈھے کیتا سڈّ وے اَڑیا
    عشق محبت سو ای جانن پئی جنیہاں دے ہڈ وے آڑیا
    کلر کٹھن کھوہڑی چینا ریت نہ گڈ وے اَڑیا
    نت بھرینائیں چھٹیاں اک دن جا سیں چھڈ وے آڑیا
    کہے حسین فقیر نمانا، نین نیناں نَال گڈ وے اَڑیا

    محبوب نے ہمارا بازو پکڑ لیا ہے میں کیوں کہوں کہ چھوڑ دے
    رات اندھیری ہے ، بادل گھنا ہے ، بلاوا بھی آ چکا ہے
    عشق اور محبت وہی جانتے ہیں جن کی ہڈیوں میں رچ بس جاتا ہے
    سیم و تھور اور ریتلی زمین کنواں کھودنے اور اناج اُگا نے کا کوئی فائدہ نہیں
    تو روز و شب مال ودولت اکٹھا کرنے میں مگن ہے مگر ایک دن سب یہیں چھوڑ کر چلا جائے گا
    حسین رب کا عاجز فقیر کہتا ہے کہ تو نگاہوں سے نگاہیں ملا یعنی عشق کر

    شاہ حسین
    Shah Hussain

  • Ghoonghat Ohle Na luk Sajna

    Ghoonghat Ohle Na luk Sajna

    گھونگٹ اوہلے نہ لک سوہنیا
    میں مشتاق دیدار دی ہاں

    پردے کے پیچھے نہ چھپ سوہنیا
    میں  شوق زیارت رکھتی ہوں

    جانی باجھ دیوانی ہوئی
    ٹوکاں کردے لوک سبھوئی
    جیکر یار کرے دِل جوئی
    میں تاں فریاد پَکار دِی ہاں

    محبوب کی جدائی میں دیوانی ہو گئی ہوں
    سب لوگ مجھے طعنے دیتے ہیں
    اگر سوہنا یار میری دلجوئی کرے
    میں تو دن رات دیدار کی پکار کر رہی ہوں

    گھنگٹ اوہلے نہ لک سوہنیا
    میں مشتاق دیدار دی ہاں

    پردے کے پیچھے نہ چھپ سوہنیا
    میں  شوق زیارت رکھتی ہوں

    مفت وِکاندی جانّدی بَاندی
    مل ماہی جِند اَینویں جَاندی
    اک دم ہجر نہیں میں سہندی
    میں بُلبُل اُس گلزار دی ہاں

    تیرے عشق میں  بے قیمت باندی ہوں
    آ مل جا کہ میری جان نکلی جا رہی ہے
    میں اک پل بھی جدائی برداشت نہیں کر سکتی
    میں باغ حسن کی بلبل ہوں بھلا جدا کیسے رہوں

    گھنگٹ اوہلے نہ لک سوہنیا
    میں مشتاق دیدار دی ہاں

    پردے کے پیچھے نہ چھپ سوہنیا
    میں  شوق زیارت رکھتی ہوں

    Bulleh Shah
    بلھے شاہ

  • Mandi Haan Ke Changi Haan Sahib Teri Bandi Haan

    Mandi Haan Ke Changi Haan Sahib Teri Bandi Haan

    مندی ہاں کہ چنگی ہاں بھی ، صاحب تیری بندی ہاں
    گہلا لوک جانے دیوانی ، رنگ صاحب دے رنگی ہاں
    ساجن میرا اکھیں وچ وسدا ، گلیئیں پھری تشنگی ہاں
    کہے حسین فقیر سائیں دا ، میں ور چنگے نال منگی ہاں

    اے میرے مالک میں اچھا یا بُرا جیسا بھی ہوں تیرا بندہ ہوں
    لوگ مجھے دیوانہ سمجھتے ہیں ،جب کہ میں تیرے رنگ میں رنگا ہوا ہوں
    محبوب میری آنکھوں میں بستا ہے ،لیکن پیاسا گلیوں میں پھرتا ہوں
    حسین رب کا فقیر کہتا ہےکہ محبوب حقیقی کہ ساتھ تعلق استوار ہو گیا ہے

    شاہ حسین
    Shah Hussain

  • Ni Saiyo Asi Naina De Aakhe Lage

    Ni Saiyo Asi Naina De Aakhe Lage

    نی سیّو ! اسیں نیناں دے آکھے لگے
    جینہاں پاک نگاہاں ہوئیاں ، کہیں نہیں جاندے ٹھگے
    کالے پٹ نہ چڑھے سفیدی ، کاگ نہ تھیندے بگے
    شاہ حسین شہادت پائیں ، مرن جو متراں اگے

     دوستو! ہم نگاہوں کا کہنا مانتے ہیں
    جن کی طرف پاک نگاہیں اُٹھ جاتی ہیں وہ کہیں بھی دھوکہ نہیں کھاتے
    جیسے سیاہ ریشم پر سفید رنگ نہیں چڑھتا اور جیسا کہ کوّے سفید نہیں ہوتے
    شاہ حسین وہ شہید ہوتے ہیں جو محبوب کی خاطر قربان ہو جاتے ہیں

    شاہ حسین
    Shah Hussain

  • Sajna Aseen Moriyon Lang Payase

    Sajna Aseen Moriyon Lang Payase

    سجنا اَسیں موریوں لنگھ پیاسے
    بھلا ہووے گڑ مکھیاں کھاہدا،اَسیں بِھن بِھن تُوں چُھٹیاسے
    ڈَھنڈ پُرانی کتیاں لکّی، اَسیں سرور ما نہیں دھوتیاسے
    کہے حُسین فقیر سائیں دا ، اَسیں ٹپن ٹپ نِکلاسے

    سوہنے ہم تو اس نالی(دنیا) سے پیاسے ہی نکل گئے
    بھلا ہو مکھیوں نے گڑ(دنیا) کھایا مگر ہم  نےمکھیوں کی بھنبھناہٹ سے چھٹکارا حاصل کر لیا
    پرانے برتن کو کتوں نے چاٹا مگر ہم نے پانی سے کچھ نہیں دھویا
    حسین رب کا فقیر کہتا ہے کہ جتنی مشکلات ہمارے راستے میں آئیں ہم سب کو چھلانگ لگا کر پار کرآئے

    شاہ حسین
    Shah Hussain

  • Dil Dardaan Keeti Poori Ni Dil Dardaan Keeti Poori

    Dil Dardaan Keeti Poori Ni Dil Dardaan Keeti Poori

    دل درداں کیتی پوری نی،دل درداں کیتی پوری
    لکھ کروڑ جنہاں دے جڑیا،سو بھی جُھوری جُھوری
    بَھٹھ پئی تیری چِٹی چادر ،، چَنگی فقیراں دی بُھوری
    سَادھ سنگت دے اوہلے رندے ،بُدھ تینہاں دی سُوری
    کہے حسین فقیر سائیں دا ،خلقت گئی اَدھوری

    دل کی دردوں نے پورا کر دیا،دل کی دردوں نے مکمل کر دیا
    جن کے پاس لاکھ ، کڑور جمع ہوتا  ہے وہ پھر بھی  ادھورے اور نا مکمل رہتے ہیں
    تیر ی سفید چادر میلی ہو گئی مگرہماری بھوری چادر بے داغ ہے
    جن کو نیک صحبت میسر ہو جائے ان کی عقل سلیم ہو جاتی ہے
    حسین رب کا فقیر کہتا ہے کہ خلقت دنیا سے ادھوری جاتی ہے

    شاہ حسین
    Shah Hussain

azkalam.com © 2019 | Privacy Policy | Cookies | DMCA Policy