https://azkalam.com

Tag: Khawar Soharwardy Lyrics

  • Na Chehro Khiyal e Muhammad Main Gum Hun

    Na Chehro Khiyal e Muhammad Main Gum Hun
    Ba Een Rukh e Wisaal e Muhammad Main Gum Hun

    نہ چھیڑو خیالِ محمد میں گم ہوں
    بہ ایں رخ وصالِ محمد میں گم ہوں

    ہمہ وصف موصوف نورٌ من اللہ
    جلال و جمال محمدؐ میں گم ہوں

    اَمینے ،حکیمے، رحیمے، کریمے
    ہمی خوش خصالِ محمدؐ میں گم ہوں

    سدا نعت گوئی، سدا نعت خوانی
    سدا قیل و قالِ محمد ؐ میں گم ہوں

    ہمہ آفتابم، مہا ماہتابم
    کہ حسن و جمالِ محمدؐ میں گم ہوں

    نہ ہنگامِ مستی نہ ایں ہوشیاری
    غلامانِ آلِ محمدؐ میں گم ہوں

    مرے حالِ ظاہر ہی اے ہنسنے والو
    دریں حال، قالِ محمدؐ میں گم ہوں

    سراپا محمدؐ کے نقش قدم پر
    سراپا مالِ محمد ؐ میں گم ہوں

    دما دم نئے ولولے زندگی کے
    کہ دائم خیالِ محمد میں گم ہوں

    حقائق کا عرفاں، معارف کا طوفاں
    کہ جامِ سفالِ محمدؐ میں گم ہوں

    ہے محشر میں ہر کوئی پرسش پہ لرزاں
    مگر میں خیالِ محمد میں گم ہوں

    خوشا بخت خؔاور قلندر کے صدقے
    میں قرب و وصالِ محمد میں گم ہوں

    خاورسہروردی
    Khawar Soharwardy

  • Meray Ishq Ki Hai Azmat Tera Sang e Aastana

    Meray Ishq Ki Hai Azmat Tera Sang e Aastana
    Hai Yehi Mera Nasheman Hai Yehi Mera Thikana

    مرے عشق کی ہے عظمت ، تیرا سنگ آستانہ
    ہے یہی مرا نشیمن، ہے یہی مرا ٹھکانہ

    سر پردہ سرا سے ہے ظہور کنز مخفی
    کہ جہاں میں پھیل جائے تیرے حسن کا فسانہ

    کسے ہمسری کا وعوی، کسے سروری کا یارا
    کہ ہو انبیا میں یکتا تو رسل میں یگانہ

    تیری رحمتیں سراپا ، تیری شفقتیں سرا سر
    تری بخشش وکرم کا ہے معترف زمانہ

    اُمت کے عاصیوں کا ، ٹوٹے ہوئے دلوں کا
    واللہ یہ سبز گنبد ہے آخری ٹھکانہ

    تو خدا کی ہم پہ رحمت ، تو خدا کا ہم پہ احساں
    کہ تمیں سے ہم نے پایا یہ عرفان کا خزانہ

    مجھے کیا غرض زماں سے ، مجھے کیا غرض مکاں سے
    مری آرزو تمہیں ہو اے نور دلبرانہ

    گہے سوزش محبت ، گہے صبر نا شکیبا
    غم عاشقی سلامت، ہے یہ قرب کا بہانہ

    تیرا غم میر ا مداوا، تیری یاد میرا حاصل
    کیا عجب کہ رنگ لائے میرا عشق والہانہ

    وہ جذب و شوق مضطرکہ لی چوم چوم جالی
    اسی جذب میں ہے مضمر ، میرے عشق کا فسانہ

    یہ سگ در قلندر یہ بہ عرف عام خؔاور
    تیرے در کا ہے گداگر اور فقط ترا دوانہ

    خاورسہروردی
    Khawar Soharwardy

  • Azal Ka Woh Sirr e Nihaan Allah Allah

    Azal Ka Woh Sirr e Nihaan Allah Allah
    ازل کا  وہ سرِّ نہاں اللہ اللہ

    ازل کا  وہ سرِّ نہاں اللہ اللہ
    ترے دم قدم سے عیاں اللہ اللہ

    یہ رشتہ عبد اور معبود واللہ
    نفس  در نفس کن فکاں اللہ اللہ

    یہ ہمت، یہ قدرت یہ شان تصّرف
    یہ تسخیر کون و مکاں اللہ اللہ

    کلام محمد—————کلام الہٰی
    یہ حسن کلام و بیاں اللہ اللہ

    ملا ئک کو ہے رشک اہل زمیں پر
    کہ ہے یاں تیرا ٓستاں اللہ اللہ

    حقیقت کھلی جس گھڑی لا الہ کی
    ملا بے نشاں کا نشاں اللہ اللہ

    ہے تیری بدولت عجب شانِ امت
    کہ خیر الامم در جہاں اللہ اللہ

    میں کلمہ طیب پہ قرباں کہ اس میں
    تیرا نام ہے ہم عناں اللہ اللہ

    ہے تو جن کی دنیا،ہے تو جن کا عقبی
    وہ سوئے مدینہ رواں اللہ اللہ

    سفر میں ،حضر میں، نظر میں ، خبر میں
    تیرا ساتھ ہو جانِ جاں اللہ اللہ

    تمنّا ہے خؔاور  درونِ لحد بھی
    کہے دل “محمد” زباں اللہ اللہ

    خاورسہروردی
    Khawar Soharwardy

  • Khiyaal e Ghair Mitey Dor e Imtihan Guzray

    Khiyaal e Ghair Mitey Dor e Imtihan Guzray
    خیالِ غیر مٹے دور این و آں گزرے

     خیالِ غیر مٹے دور این و آں گزرے
    الہیٰ عشق محمد ؐ میں میری جاں گزرے

    یہی ہے رمز محبت یہی ہے رازِ حیات
    فریب سودوذیاں سے یہ جسم و جاں گزرے

    خدا وہ وقت نہ لائے کہ میرا کوئی قدم
    خلافِ جادہ سیاحِ لا مکاں گزرے

    خوشا وہ وقت کہ میرے حریمِ شوق میں بھی
    کسی بہانے وہ محبوب انس و جاں گزرے

    زہے نصیب ملے محملِ حبیب کہیں
    ہزار دشت پھرےاور رواں دواں گزرے

    یہی ہے اصلِ قیام و رکوع و درورد  صٰلوۃ
    کہ زندگی تری الفت میں جادداں گزرے

    فقط حضوری تری قرب و مدعا کی دلیل
    خدا کرے کہ تیرے آستاں پ جاں گزرے

    ثباتِ رونق ہستی، قوام ِ دنیا و دیں
    ترا قدم ہے مبارک جہاں جہاں گزرے

    بہار تیرا تبسم سحر کی تجھ سے نمود
    کرم اے مہرِ جہاں ظلمت وخزاں گزرے

    تیری نظر کےتصّدق ترے کرم کے طفیل
    اسیر دا من الفتہیں کا مراں گزرے

    تیری تلاش میں اب تک بہ انتظار سحر
    نگاہ شوق سے لاکھوں ہیں کاردوں گزرے

    اسی اُمید پہ تیرے فقیر بیٹھے ہیں
    کرم کی بھیک ملے دورِ امتحاں گزرے

    فقظ وہی ہے زمانے میں صاحب مقصود
    جو معرفت میں تری ہو کے کامراں گزرے

    نگاہ فیض بھی ہو جائے جانبِ خؔاور
    کہ راہ عشق میں بے خوف و بے گماں گزرے

    خاورسہروردی
    Khawar Soharwardy

azkalam.com © 2019 | Privacy Policy | Cookies | DMCA Policy