https://azkalam.com

Tag: Kalam e Bedam Warsi

  • Yeah Achii PardaDari Hai Yeah Achii RaazDari Hai

    Yeah Achii PardaDari Hai Yeah Achii RaazDari Hai
    Ke Jo Ayey Tumhari Bazm Mein Deewana Ho Jaye

    یہ اچھی پردہ داری ہے یہ اچھی رازداری ہے
    کہ جو آیے تمھاری بزم میں دیوانہ ہو جایے

    This is Good Privacy This is excellent Secrecy
    That whoever comes into your gathering lose his senses

    Agar Kaaba ka Rukh Bhi Janib e Maikhana Ho Jaye
    Tu Phir Sajdah Meri Har Laghzish e Mastana Ho Jaye

    اگر کعبہ کا رخ بھی جانب میخانہ ہو جایے
    تو پھر سجدہ مری ہر لغزش مستانہ ہو جایے

    Wohi Dil Hai Jo Husn o Ishq ka KashaNa Ho Jaye
    Woh Sar Hai Jo Kisi Ki Taigh Ka NazraNa Ho Jaye

    وہی دل ہے جو حسن و عشق کا کاشانہ ہو جایے
    وہ سر ہے جو کسی کی تیغ کا نذرانہ ہو جایے

    Yeah Achii Pardadari Hai Yeah Achii RaazDari Hai
    Ke Jo Ayey Tumhari Bazm Mein Deewana Ho Jaye

    یہ اچھی پردہ داری ہے یہ اچھی رازداری ہے
    کہ جو آیے تمھاری بزم میں دیوانہ ہو جایے

    Mera Sar Cut Ke Maqtal mein Giray Qatil Ke Qadmoon Par
    Dam e Aakhir Ada Youn Sajda e Shukrana Ho Jaye

    مرا سر کٹ کے مقتل میں گرے قاتل کے قدموں پر
    دم آخر ادا یوں سجدہ شکرانہ ہو جایے

    Teri Sarkaar Mein Laya Houn Daali Hasrat e Dil Ki
    Ajab Kiya Hai Mera Manzoor Yeah Nazrana Ho Jaye

    تری سرکار میں لایا ہوں ڈالی حسرت دل کی
    عجب کیا ہے مرا منظور یہ نذرانہ ہو جایے

    Shab e Furqat Ka Jab Kuch Tool Kam Hona Nahin Mumkin
    Tu Meri Zindgi Ka Mukhtasir Afsaana Ho Jaye

    شب فرقت کا جب کچھ طول کم ہونا نہیں ممکن
    تو میری زندگی کا مختصر افسانہ ہو جایے

    Woh Sajdey Jin Se Barsoon Hum Ne Kaaba Ko Sajaya Hai
    Jo ButKhaney Ko Mil Jaain To Phir ButKhana Ho Jayey

    وہ سجدے جن سے برسوں ہم نے کعبہ کو سجایا ہے
    جو بتخانے کو مل جاییں تو پھر بتخانہ ہو جایے

    Kisi Ki Zulf Bikhrey Aur Bikhar Kar Doosh Par Ayey
    Dil e Sad Chaak Uljhay aur Ulajh Kar Shana Ho Jaye

    کسی کی زلف بکھرے اور بکھر کر دوش پر آیے
    دل صد چاک الچھے اور اُلجھ کر شانہ ہو جایے

    Yahan Hona Na Hona Hai Na Hona Ayn Hona Hai
    Jisey Hona Ho Kuch woh Khak e Dar e JanaNa Ho Jaye

    یہاں ہونا نہ ہونا ہے، نہ ہونا عین ہونا ہے
    جسے ہونا ہو کچھ وہ خاک در جانانہ ہو جایے

    Sahar Tak Sab Ka Hai AnJaam Jal Kar Khaak Ho Jana
    Bane Mahfil Mein Koi Shama Ya Parwana Ho Jaye

    سحرتک سب کا ہے انجام جل کر خاک ہو جانا
    بنے محفل میں کویی شمع یا پروانہ ہو جایے

    Woh Mai Dai Dai Jo Pehley Shibli o Mansoor Ko Di Thi
    Tu Bedam Bhe Nisar Murshad e Maikhana Ho Jaye

    وہ مے دے دے جو پہلے شبلی و منصور کو دی تھی
    تو بیدم بھی نثار مرشد میخانہ ہو جایے

    بیدم وارثی
    Bedam Warsi

    Some other related references from Bedam Warsi Kalam

    Yeah Achii PardaDari Hai Yeah Achii RaazDari Hai

    چلی ہیں میری آہیں عرش کا پایا ہلانے کو
    کہیں برہم نظام عالم بالا نہ ہو جایے

    Chaleen Hain Meri Aahain Arash Ka Paya Hilane ko
    Kahin Barham Nizam e Aalam e Baala Na Ho Jaye

    سمجھتے ہو بیدم وہ کیوں نہیں آتے عیادت کو
    انہیں ڈر ہے مریض غم کہیں اچھا نہ ہو جایے

    Samjhtey Ho woh Bedam Kyun Nahi Aatey Ayaadat Ko
    UnHain Dar Hai Mareez e Gham Kahin Acha Na Ho Jaye

    Yeah Achii PardaDari Hai Yeah Achii RaazDari Hai

    حریم خاص کے پردوں کو تھام کر بیدم
    عجب درد سے کرتا ہے نالہ پر غم

    Hareem e Khas ke Pardon ko Thaam Kar Bedam
    Ajab Dard Se Karta Hai Naala e Pur Gham

    Yeah Achii PardaDari Hai Yeah Achii RaazDari Hai

    پردہ داری کے عوض بدنام و رسوا کر دیا
    اے خیال یار کیا کرنا تھا اور کیا کر دیا

    PardaDari Ke Awaz BadNaam o Ruswa Kar Diya
    Aye Khiyaal e Yaar Kiya Karna Tha aur Kiya Kar Diy

    Yeah Achii PardaDari Hai Yeah Achii RaazDari Hai

    نہ ہو پاس ان کہ پردہ نہ یہ پردہ داریاں ہوں
    میری دکھ بھری کہانی جو سنے میری زباں سے

    Na Ho Paas En Ke Parda Na Yeah PardaDariyaan Houn
    Meri Dukh Bhari Kahani Jo Sunain Meri Zuban Se


    Yahan Hona Na Hona Hai Na Hona Ayn Hona Hai

     پا جانا ہے کھو جانا ، کھو جانا ہے پا جانا
    بے ہوشی ہے ہشیاری ،ہشیاری ہے بے ہوشی

    Pa Jana Hai Koh Jana Koh Jana Hai Pa Jana
    BeHoshi Hai HoshYaari HoshYaari hai BeHoshi

    Yahan Hona Na Hona Hai Na Hona Ayn Hona Hai
    ہمارا کھونا ہی گویا تمھارا پانا تھا
    کہ تم ملے تو ہمارا نشاں نہیں ملتا

    Humara Khona He Goya Tumhara Pana Tha
    Ke Tum Mile toh Humara Nishan Nahin Milta

    Yahan Hona Na Hona Hai Na Hona Ayn Hona Hai
    مرا ہونا نہ ہونا بھی کویی ہونا نہ ہونا ہے
    ہوا تو کیا ہوا بیدم نہ ہوتا میں تو کیا ہوتا

    Mera Hona Na Hona Bhe Koi Hona Na Hona Hai
    Howa Tu Kia Howa Bedam Na Hota Mein Tu Kiya Hota

    Yahan Hona Na Hona Hai Na Hona Ayn Hona Hai

    ہم اُنکے ڈھونڈھنے میں خود گم ہویے ہیں بیدم
    آُنکی تلاش گویا اپنی ہی جستجو ہے

    Hum UnKe DhoonDNey Mein Khud Gum Howay Hain Bedam
    UnKi Talash Goya Apni He JustaJu Hai

    بیدم وارثی
    Bedam Warsi

    Similar Related Posts
    نمی دانم کہ آخر چوں دمِ دیدار می رقصم
    من نمی گویم انا الحق یار می گوید بگو
    نہ کرو جدا خدا را مجھے اپنے آستاں سے
    نمی دانم چہ منزل بود شب جائے کہ من بودم
    تو آئینہ ہے مرا تیرا آئینہ ہوں میں

  • Deeda e Deedar Jo Har Haal Mein Na Deeda Hai

    Deeda e Deedar Jo Har Haal Mein Na Deeda Hai
    Jis se Posheeda nahin Tum Hum sy Woh Posheeda Hai

    دیدہ دیدار جو ہر حال میں نا دیدہ ہے
    جس سے پوشیدہ نہیں تم ہم سے وہ پوشیدہ ہے

    دیکھتا ہے سب کو لیکن سب سے خود پوشیدہ ہے
    شرم سے آنکھوں کے پردوں میں وہ نور دیدہ ہے

    چشم نا بینا سے پردہ ہے تو کچھ بیجا نہیں
    آنکھ والوں سے بھی وہ جانِ جہاں پوشیدہ ہے

    واہ رے تیری بے حجابی واہ رے تیری نقاب
    لفظ پوشیدہ میں معنی کی طرح پوشیدہ ہے

    جس کو دیکھو ہر گھڑی پامال کرتا ہے مجھے
    کیا مری کشتِ تمنا سبزہ روئیدہ ہے

    ذرہ ذرہ ہے ترا آئینہ حُسن و جمال
    تو ہی پوشیدہ نہ اب صورت تری نادیدہ ہے

    جب بجز اک ذات مطلق دوسرا پیدہ نہیں
    کون ہے پھر غیر اور کس سے کوئی پوشیدہ ہے

    ہائے وہ کہنا کِسی کا بزم میں پھیلا کے ہاتھ
    آگلے مل لیں بس اتنی پات پر رنجیدہ ہے

    جستجو ہے اُس کی بیدم دل ہے جسکی جلوہ گاہ
    وہ چھپا ہے ہم سے جو آنکھوں کا نورِ دیدہ ہے

    بیدم وارثی
    Bedam Warsi

    Thanks to Mohammed Tausif Iftekhari for Sharing

  • Na Mehrab e Haram Samjhe Na Jane Taaq e ButKhana

    Na Mehrab e Haram Samjhe Na Jane Taaq e ButKhana
    Jehan Daikhi Tajale Ho Gaya Qurban Parwana

    نہ محراب حرم سمجھے نہ جانے طاقِ بتخانہ
    جہاں دیکھی تجلی ہو گیا قربان پروانہ

    دلِ آزاد کو وحشت نے بخشا ہے وہ کاشانہ
    کہ اک درجانبِ کعبہ ہے اک در سوئے بتخانہ

    بنائے میکدہ ڈالی جو تو نے پیر میخانہ
    تو کعبہ ہی رہا کعبہ نہ  پھر بتخانہ بتخانہ

    کہاں کا طور مشتاق لقا وہ آنکھ پیدا کر
    کہ ذرّہ ذرّہ ہو نظّارہ گاہِ حسن جانانہ

    خدا پوری کرے یہ حسرت دیدار حسرت کی
    کہ دیکھوں اور تیرے جلووں کو دیکھوں بے حجابانہ

    شکست توبہ کی تقریب میں جھک جھک کے ملتے ہیں
    کبھی پیمانہ شیشہ سے کبھی شیشہ سے پیمانہ

    سجا کر لخت دل سے کشتیٔ چشم تمنّا کو
    چلا ہوں بارگاہِ عشق میں لے کر یہ نذرانہ

    کبھی جو پردۂ بے صورتی میں جلوہ فرما تھے
    انہیں کو عالم صورت میں دیکھا بے حجابانہ

    مری دنیا بدل دی جنبش ابروئے جاناں نے
    کہ اپنا ہی رہا اپنا نہ بیگا نہ بیگانہ

    جلا کر شمع پروانے کو ساری عمر جلتی ہے
    اور اپنی جان دے کر چین سے سوتا ہے پروانہ

    کسی کی محفل عشرت میں پیہم دور چلتے ہیں
    کسی کی عمر کا لبریز ہونے کو ہے پیمانہ

    ہماری زندگی تو مختصر سی اک کہانی تھی
    بھلا ہو موت کا جس نے بنا رکھا ہے افسانہ

    یہ لفظ سالک ومجذوب کی ہے شرح اے بیدم
    کہ اک ہشیار ختم المرسلیں اور ایک دیوانہ

    بیدم وارثی
    Bedam Warsi

  • Sahara Mojon Ka Le Le Ke Barh Raha Houn Mein

    Sahara Mojon Ka Le Le Ke Barh Raha Houn Mein
    Safeena Jis Ka Hai Toofan Woh Na Khuda Houn Mein

    سہارا موجوں کا لے لے کے بڑھ رہا ہوں میں
    سفینہ جس کا ہے طوفاں وہ نا خدا ہوں میں

    خود اپنے جلوہ ٔ  ہستی کا مبتلا ہوں میں
    نہ مدعی ہوں نہ کسی کا مدعا ہوں میں

    کچھ آگے عالم ہستی سے گونجتا ہوں میں
    کہ دل سے ٹوٹے ہوئے ساز کی صدا ہوں میں

    پڑا ہوں جہاں جس طرح پڑا ہوں میں
    جو تیرے در سے نہ اٹھے وہ نقش پا ہوں میں

    جہان عشق میں گو پیکر وفا ہوں میں
    تیری نگاہ میں جب کچھ نہیں تو کیا ہوں میں

    تجلیات کی تصویر کھینچ کر دل میں
    تصورات کی دنیا بسا رہا ہوں میں

    جنون عشق کی نیرنگیاں ارے توبہ
    کبھی خدا اور کبھی بندہ خدا ہوں میں

    بدلتی رہتی ہے دنیا میرے خیالوں کی
    کبھی ملا ہوں کبھی یار سے جدا ہوں میں

    حیات و موت کے جلوے ہیں میری ہستی میں
    تغیرات دو عالم کا آئینہ ہوں میں

    تری عطا کے تصدق ترے کرم کے نثار
    کہ اب تو اپنی نظر میں بھی دوسرا ہوں میں

    بقا کی فکر نہ اندیشۂ فنا مجھ کو
    تعینات کی حد سے گزر گیا ہوں میں

    Dekh lo shakl meri kiska aaina hoon main
    Yaar ki Shakl hai aur yaar main fana hoon main

    دیکھ لو شکل میری کس کا آئینہ ہوں میں
    یار کی شکل ہے اور یار میں فنا ہوں میں

    بشر کے روپ میں اک راز کبریا ہوں میں
    سمجھ سکے نا فرشتے کہ اور کیا ہوں میں

    میں وہ بشر ہوں فرشتے کریں جنھیں سجدہ
    اب اس سے آگے خدا جانے اور کیا ہوں میں

    پتہ لگائے کوئی کیا میرے پتے کا پتہ
    میرے پتے کا پتہ ہے کہ لاپتہ ہوں میں

    مجھی کو دیکھ لیں اب تیرے دیکھنے والے
    تو آئینہ ہے مرا تیرا آئینہ ہوں میں

    میں مٹ گیا ہوں تو پھر کس کا نام ہے بیدم
    وہ مل گئے ہیں تو پھر کس کو ڈھونڈتا ہوں میں

    بیدم وارثی
    Bedam Warsi

  • Khinchi Hai Tasawar Mein Tasveer Hum Aaghoshi

    Khinchi Hai Tasawar Mein Tasveer Hum Aaghoshi
    Ab Hosh Na Aaney Dai Muj Ko Meri BeHoshi

    کھینچی ہے تصّور میں تصویر ہم آغوشی
    اب ہوش نہ آنے دے مجھ کو میری بے ہوشی

    پا جانا ہے کھو جانا ، کھو جانا ہے پا جانا
    بے ہوشی ہے ہشیاری ،ہشیاری ہے بے ہوشی

    میں ساز حقیقت ہوں ، دمساز حقیقت ہوں
    خاموشی ہے گویائی ، گویائی ہے خاموشی

    اسرار محبت کا اظہار ہے نا ممکن
    ٹوٹا ہے نہ ٹوٹے گا قفل در خاموشی

    ہر دل میں تجّلی ہے اُن کے رخ روشن کی
    خورشید سے حاصل ہے ذروں کو ہم آغوشی

    جو سنتا ہوں سنتا ہوں میں اپنی خموشی سے
    جو کہتی ہے کہتی ہے مجھ سے مری خاموشی

    یہ حسن فروشی کی دکان ہے یا چلمن
    نظّارہ کا نظّارہ ہے ،روپوشی کی روپوشی

    یاں خاک کا ذرہ بھی لغزش سے نہیں خالی
    میخانۂ دنیا ہے یا عالم بے ہوشی

    ہاں ہاں مرے عصیاں کا پردہ نہیں کھلنے کا
    ہاں ہاں تیری رحمت کا ہے کام خطا پوشی

    اس پردے میں پوشیدہ لیلائے دو عالم ہے
    بے وجہ نہیں بیدم کعبے کی سیہ پوشی

    بیدم وارثی
    Bedam Warsi

  • Hai Roz e Alast Se Apni Sada Waris Mujh Main Mein Waris Main

    Hai Roz e Alast Se Apni Sada Waris Mujh Main Mein Waris Main
    Woh Raaz Mera Main Bhaid us Ka Waris Mujh Main Mein Waris Main

    ہے روز الست سے اپنی سدا وارث مجھ میں میں وارث میں
    وہ راز مرا میں بھید اس کا  وارث مجھ میں میں وارت میں

    دریا سے وجودِ قطرہ ہے قطرے سے نمود دریا ہے
    دریا قطرہ قطرہ دریا وارث مجھ میں میں وارث میں

    وہ نقطہ خطِ تقدیر ہوں میں وہ خامہ ہے اور تحریر ہوں میں
    میں صورت ہوں اور وہ معنی وارث مجھ میں میں وارث میں

    وہ راز ہے پردہ راز ہوں میں وہ زمزمہ ہے اور ساز ہوں میں
    ہے میری حقیقت آئینہ وارث مجھ میں میں وارث میں

    وہ نیّر برج احدیت میں پر تو شان احدیت
    مجھے کہتے ہیں ذرہ مہر نما وارث مجھ میں میں وارث میں

    وہ چمن ہے چمن کی بہار ہوں میں وہ بہار ہے رنگ بہار ہوں میں
    وہ شمع ہے اورمیں اس کی ضیا وارث مجھ میں میں وارث میں

    دیدار کی دھن میں صبح و مسا بیدم مجھے خوں روتے گزرا
    حیرت چھائی جب یہ دیکھاوارث مجھ میں میں وارث میں

    بیدم وارثی
    Bedam Warsi

  • Kon Sa Ghar Hai Ke Ae Jaan Nahin Kashana Tera Aur Jalu Khana Tera

    Kon Sa Ghar Hai Ke Ae Jaan Nahin Kashana Tera
    Aur Jalu Khana Tera

    کون سا گھر ہے کہ اے جاں نہیں کا شانہ ترا
    اور جلو خانہ ترا

    میکدہ تیرا ہے کعبہ ترا بت خانہ ترا
    سب ہے جانانہ ترا

    تو کسی شکل میں ہو ترا شیدائی ہوں
    ترا سودائی ہوں

    تو اگر شمع ہے اے دوست میں پروانہ ترا
    یعنی دیوانہ ترا

    مجھ کو بھی جام کوئی پیر خرابات ملے
    تیری خیرات ملے

    تا قیامت یونہی جاری رہے پیمانہ ترا
    رہے میخانہ ترا

    تیرے دروازے پہ حاضر ہے تیرے در کا فقیر
    اے امیروں کے امیر

    مجھ پہ بھی ہو الطاف کریمانہ ترا
    لطف شاہانہ ترا

    صدقہ مے خانہ کا ساقی مجھے بے ہوشی دے
    خود فراموشی دے

    یوں تو سب کہتے ہیں بیدم ترا مستانہ ترا
    اب ہوں دیوانہ ترا

    بیدم وارثی
    Bedam Warsi

  • Kaash Meri Jabeen e Shouq Sajdoon Se Sarfaraz Ho

    Kaash Meri Jabeen e Shouq Sajdoon Se Sarfaraz Ho
    Yaar Ki Khak e Aastan Taj e Sar e Niyaz Ho

    کاش مری جبین شوق سجدوں سے سرفراز ہو
    یار کی خاکِ آستاں تاجِ سرِ نیاز ہو

    ہم کو بھی پایئمال کر عمر تری دراز ہو
    مستِ خرامِ ناز ادھرمشقِ خرامِ ناز ہو

    چشمِ حقیقت آشنا دیکھے جو حسن کی کتاب
    دفترِ صد حدیث راز ہر ورقِ مجاز ہو

    سامنے روئے یار ہو سجدہ میں ہو سرِ نیاز
    یونہی حریم ناز میں آٹھوں پہر نماز ہو

    اس کے حریم ناز میں عقل و خرز کو دخل کیا
    جس کی گلی کی خاک کا ذرہ جہانِ راز ہو

    تیری گلی میں پا کے جا، جائے کہاں ترا گدا
    کیوں نہ وہ بے نیاز ہو تجھ سے جسے نیاز ہو

    بیدم خستہ ہجر میں بن گئی جانِ زار پر
    جس نے دیا ہے دردِ دل کاش وہ چارہ ساز ہو

    بیدم وارثی
    Bedam Warsi

  • Khuda Jane Kahan Se Jalwa e Jaana Kahan Tak Hai

    Khuda Jane Kahan Se Jalwa e Jaana Kahan Tak Hai
    Waheen Tak Daikh Sakta Hai Nazar Jis Ki Jahan Tak Hai

    خدا جانے کہاں سے جلوۂ جاناں کہاں تك ہے
    وہیں تك دیكھ سكتا ہے نظر جس كی جہاں تك ہے

    ہم اتنا بھی نہ سمجھے عقل كھوئی دل گنوا بیٹھے
    كہ حسن و عشق كی دنیا كہاں سے ہے کہاں تك ہے

    زمیں سے آسماں تك ایك سناٹے كا عالم ہے
    نہیں معلوم میرے دل كی ویرانی کہاں تك ہے

    نیاز راز كی روداد حسن و عشق كا قصہ
    یہ جو كچھ بھی ہے سب انكی ہماری داستاں تك ہے

    خیال یار نے تو آتے ہی گم كر دیا مجھ كو
    یہی ہے ابتدا تو انتہا اس كی کہاں تك ہے

    زمیں سے آسماں تك، آسماں سے لامكاں تك ہے
    خدا جانے ہمارے عشق كی دنیا کہاں تك ہے

    سنا ہے ہم نے صوفیوں سے اكثر خانقاہوں میں
    كہ یہ رنگین بیانی بیدمؔ رنگیں بیاں تك ہے

    بیدم وارثی
    Bedam Warsi

    Abida Parveen YouTube:Khuda jane Kahan se Jalwa e Jaana Kahan Tak Hai

     

  • Kiya Poochte Ho Garmi e Bazar e Mustafa

    Kiya Poochte Ho Garmi e Bazar e Mustafa
    کیا پوچھتے ہو گرمی بازار  مصطفےٰؐ

     

    کیا پوچھتے ہو گرمی بازار  مصطفےٰؐ
    خود بک رہے ہیں آ کے خریدار  مصطفےٰؐ

     

    دل ہے مرا خزینہ اسرارِ مصطفےٰؐ
    آنکھیں ہیں دونوں روزنِ دیوار مصطفےٰؐ

     

    پھیلا ہوا ہے چاروں طرف دامنِ نگاہ
    اور لُٹ رہی ہے دولتِ دیدارِ مصطفےٰؐ

     

    تفسیر مصحفِ رخِ پر نور والضحیٰ
    والیل شرح گیسوئے خمدارِ مصطفےٰؐ

     

    نعلین پا سے عرش معلیٰ کو ہے شرف
    روح الا میںؑ ہیں غاشیہ بردارِ مصطفےٰؐ

     

    کیونکر نہ سجدہ پیش رح مصطفے ٰؐکروں
    طاقِ حرم ہے ابروئے خمدار مصطفےٰؐ

     

    بیدمؔ نہ  آوں جا کہ دیار رسول ؐسے
    تربت ہو زیر سایہ دیوارِ مصطفےٰؐ

    بیدم وارثی
    Bedam Warsi

    Youtube : Kiya Poochte Ho Garmi e Bazar e Mustafa

azkalam.com © 2019 | Privacy Policy | Cookies | DMCA Policy